البخـل طبـعً مستحيـلً عـلاجـه

ابدأ معكم بهذه القصيده الرائعه
للشاعر العلم / رشيد الزلامي




البخـل طبـعً مستحيـلً عـلاجـة=والجود طب لكل الأمـراض وعـلاج
جيت الرفيق اللي بشـوشً حجاجـة=اللي بحـزات الرخـاء مثـل هـداج
ولا بوقت الضيـق مثـل الخواجـه=سلم العرب عنده خرابيـط وازعـاج
قال العلـوم وقلـت طـلاب حاجـة=حاجة يسر ماهي بتكليـف واحـراج
ان كلفت يكفـي العـذر والمواجـه=وان كان جت من يسر صاحبك محتاج
واومى براسه مثـل راس الدجاجـة=وهز المتون وراح وجهه كما الصاج
واقفيت من عنـده مطفـي سراجـه=ولي هرجةً ماعطيتهـا كـل هـراج
عرض العلوم لغير اهلهـا سماجـة=والصاحب الطيب له الـدرب ينعـاج
وكل آزمة ٍ ياتـي بعدهـا انفراجـه=ياليت كـل اصحابنـا مثـل سهـاج
الصاحـب اللـي ماتعكـر مزاجـه=ولا حط له كثـر المعاذيـر منهـاج
ولا الردي صيـده يضيـع بعجاجـه=ماتسبقه في سرعة الـروغ ميـراج