هذي نصيحة من تحكمـه مباديه من المجتمع ماراق باله وجـوّه

أكبر غلط سـّرك للانـذال تبديه
وتصاحب الخاين قليـل المـروّه

وتسوي المعروف في غير راعيه
وتجامل الغلطان وتقـول خـوّه

وتشره على اللي مايعرف المشاريه
ويلقا على سبـك طريق المفـوّه

وتبعْ المقفّي نقص لو كـان تغليـه
تونس غلاه بسـرة القلـب جـوّه

واكبر خطأ راع الجهاله تلاغيـه
بنفس الكـلام اللـي تفـوّه تفـوّه

وتلعب على الحبلين والحق تخفيـه
وعلى نظيف القلبْ تقـدر تمـوه

و نفس الكلام اللي تجيبـه توديـه
و لسمعـة الاجـواد تقعـد تشـوّه

وتعجبك قوة سلطة الجـاه وتيـه
وتقول انا اللي منزلي فـي علوّه

أعلم تراك انسان وضعيف ياهيـه
ماغير قـوة خالق الكون قـوّه

هذي نصيحة من تحكمـه مباديه
من المجتمع ماراق باله وجـوّه

ولا قول كل المجتمع ماذكّر فيـه
الناس فيهم مـن براسـه حمـوّه

خصيت فيها اللي عريبه مجانيـه
ومن باب حبي له وباب الأخـوه

أنت استلمت رسالة الود قول إيـه
الله يجنبـك المنـافـق وسوه

إذا إتعضت أشكرك ، هذا اللي ابيـه
وإذا جهلت اللـي يناسبـك سوه

ولا ني وكيل أدم على أخطأ ذراريه
حبيت أحذر عن بعضهـا وأنـوه


#منقووول
----------------------------------------------------------------