لوحضرة الغايب عرف بعده اش صار

لوحضرة الغايب عرف بعده اش صار .... ...... ماكان غاب الا وعيني تشوفه
ولو يعرف ان البال ضايق ومحتار .......... ماكان يضحك يوم جاوه ضيوفه
ولو يعرف انه دق في القلب مسمار .......... وانه نقش في وسط قلبي حروفه
وان الحزن يبني مدينه بلا اسوار .......... وان الفرح ياتي بذكرى طيوفه
ولو يعرف ان الظلم قاسي وجبار .......... وان امنية عمري ملامس كفوفه
ولو يعرف ان الحزن والجرح تختار ...... .... قلب المحب اللي تقطع بجوفه
ولو يعرف ان الوقت خاين وغدار ..... ..... ماكان خلاني اصارع سيوفه
ولو يعرف انه لو رحل صرت منهار ..... ..... ولا على دنياي بعده حسوفه


لـ الشاعر ؛ سعد بن مبارك