غرتها دنياه

ايــه مـانــي يـــا أبـــو فـايــز نـبـيـه
مـاعـرفــت احــصّـــل لــدائـــي دوى
لعثمـه مابيـن كيـف؟ وبيـن. ليـه؟
لــو فـهـمـت السـالـفـه مـالــي لـــوى
قـصـةٍ مـــرّت عـلــى عـــدة وجـيــه
فــــي ثـنـايـاهـا جـهـلــت الـمـحـتـوى
ابتـدت بـي حـلـم وانهتـنـي سفـيـه
والـحـواس الخـمـس شلّـتـهـن ســـوى
ويـــحَ قـلـبـاً مـسـرفـاً فـيـمـا لـديــه
يرتشفـهُ الضيـم َ والضيـم َ ارتــوى
ان عقـدت العـزمَ يعـقـدُ حاجبـيـه
ان تركتُ الحبلَ في عُنقي انطوى
قــد رأيــتُ الـدهـرَ صُلبـانـاً يـديــه
وروالـــــي فـــــي ثُـمــالــةَ مــــــاروى
كاهنـاً خطـت علـى لوحـي يديـه
خذ فؤادكْ حيث شئت مـن الهـوى
يــا أبـــو فـايــز وانـــا رجـــلٍ نـزيــه
عــــن امـــــورٍ دون ذاك الـمـسـتــوى
مـار صـارت يـوم صــارت وش علـيـه
لــو يـجـازا الـقـلـب دام انـــه نـــوى
مـتـرفٍ غــاوي عـسـى الله يـهـديـه
شــوف عــاد الـتـرف لامـنّـه غـــوى
الـذيـاب 2000 مــن قبـلـي اتعَـوِيـه
ومـــن تملـكـتـه ولا ذيـــبٍ عـــوى
ارقـع اشقـوقـه وبالغـصـب ارتـديـه
لـيـن نــوري فــي غياهـيـبـه ضـــوى
مـن عقـب مانـي بـروحـي مشتـريـه
باعـنـي بـرخـيـص مـلـعـون الـثــوى
غــرتــه دنــيــاه وانــســاق لــذويــه
وعــلّــق بـعـنــق الـمـواعـيـد الــنــوى
مـن عقـب ماهـو بصـدري محتـويـه
بآخر اركونـه علـى الضلـع التـوى
ان سألـتـه لـيــه ؟ مـــط بشفـتـيـه
واسـتــدار و لَـــدّ واقــفــى وانــــزوى
والـجـواب الـلـي مــن السـانـه ابـيـه
نـام فـي جـمـر الشفـايـف وانـشـوى
مــن قـبــل لـبــداه قـــررت انتـهـيـه
لـــو مـــن ايـامــه خـيـالـي مـاخــوى
مـو غريـبـه لاهــوت عيـنـي علـيـه
الغريبـه كيـف مــن عيـنـي هــوى

لشاعرها : فرحان الفدعاني