الشعر مخلد القثامي ابيات ينصح ولده غازي فيها

من طرف **Naef20100** السبت يناير 03, 2015 3:40 am

بسم الله الرحمن الرحيم

السلام عليكم ورحمة الله وبركاته

الشاعر مخلد بن شايد الزواري القثامي العتيبي رحمه الله ولد عام 1280هـ تقريبا بعشيرة العقيق شمال مدينة الطائف وتوفي في عام 1340هـ.
يقول الشعر مخلد القثامي ابيات ينصح ولده غازي فيها::

يـقــول مـخـلـد رد مــــن طــيّــب البنا..تـمـاثـيـل بـيـطــار ٍ تـنـقــا عجـيـبـهـا
من وقتنـا اللـي هـاض بالـي وحسني..أيـام علينـا الـرب الأكبـر رضيبهـا
أحلـنـا ومديـنـا الـفـرع مـدهـا الحيـا..وعـزي لنـفـس ماتحـصـل قضيـبـهـا
تلفّت في ربعي هـل الجـود والثنا..عسـى حاجـة ٍ مـن واحـد ٍ تقتضيبهـا
تـجـازوا هــل الأمــوال بالـقـرش بينهـم..هـذاه يعطيـهـا والآخــر يجيـبـهـا
وحـازوا قليليـن المواشـي لحالهـم..سـوات السـبـاع الـلـي يــروع قنيبـهـا
يــا كــم غـنـيٍ جــود الله حضايـره..يـوم اللـيـال الشـهـب شـبـت شبيـبـهـا
مـذاخـيـر كـفــه لـلـمـره فــــي زهابـهـا..عـسـى حـلـتــه لــمــردفٍ تعتـديـبـهـا
ويــا كــم قطـوعـيٍّ قـويــه عزايمه..مـذاخـيـر كـفــه فـالـدهـر يبـتـهـي بـهــا
يمسون خطاره على صاخي الشحم..يـوم السويـدا يجمـد المـاء لسيبهـا
أوصيـك يـا غــازي تــرى الــروح فانيـه..الأيـام تضـحـك لــك ولا يندريبـهـا
تغانـم شبابـك قبـل يلعـب بّـك الجهل..تغانـم زهرهـا قـبـل يـابـس ركيبـهـا
زهرهـا الكـرم والديـن والصمـت والظفر..وخيـار الأريــا لاتجـنـب صليبـهـا
وأوصيـك بالخطّـار فـي هـاشـل العشا..إلـيـا لـفـوا لــك لاتقـصـر وجيبـهـا
بــادر لـهـم بالكـيـف والـكـن والـذرى..وقـرّب معامـيـل ٍ عـلـى الله نصيـبـهـا
ون كـان مـا تاجـد قـراهـم بحاضر..عـسـى ببيـتـك حـاجـتٍ تقتـضـي بـهـا
تلقـى كـروف الضـان حواشـة الغنـم..زد الـردي عــن سـومـةٍ مــا رضيبـهـا
تـرى طـرات الجـود عجـل مـن الفتى..نسفـة شغايـا راسهـا مـع عصيبـهـا
وتـرى جـارك الأيمـن خـيـار اللزايم..وجـارتـك عطـهـا عيـشـة تهتـنـي بـهـا
وأوصـيـك فــي أم القـاصـر الأصرميه..أظـنـك لـيـا جــات الكـرامـة تثيبـهـا
تــرى مــدة القـصـار تـوعـدك بالفرج..وتـدعـي دعـــوة ربـنــا يستجيـبـهـا
وعليـك بالعانـي ليـا جـاك عانـي..إذا جــاك عـانـي راكــب ٍ فــي نجيبـهـا
وأوصيك في خصمك على قطع عارفـه..إذا جـا مـن أيـام الطلابـه طليبهـا
وترى ربعك الأقصين نصرك على العدا..وقبيلتك ساعدها وحارب حريبها
وترى ربعـك الأدنيـن ستـرك مـن الشقى..سيـوف ٍ بحـزات اللقـا تعتزيبهـا
وأوصيك فـي طنـب الـردي لا تجاوره..نجـوس الرفاقـه لا تضلـي طنيبهـا
تـوذيـك حرمتـهـم وينبـحـك كلبهم..كـمـا النمـلـة الـلــي مـاتـريـح قريـبـهـا
وحـذراك بنـت الـلاش يعجـبـك زينها..تحـنـي كواعبـهـا وتنـسـع ذويبـهـا
تراها سـواة العشـب فـي دمنـة العرب..حتـى حمـار الحلـس مايرتعيبهـا
تجـذب خناطـيـل ٍ تصـافـر عيونهم..وأخـوهـا وبـوهـا قاعـديـن ٍ لصيبـهـا
تـرى الــلاش مـثـل الليـلـة الخرمسيّة..كـمـا ليـلـة أم قبـيـس ماينسريبـهـا
وترى اللاش مثل الليل والنار والمطر..يومـن الهبايـب ليـن يطفـي لهيبهـا
علـيـك ببـنـت مـجـرّب عارفيـنـه..قـروم الـرجــال الـلــي تـنـومـس نسيـبـهـا
أتعب لها العيـرات وأتعـب لهـا القدم..وسافـر لهـا لـو هـي بعيـد ٍ مغيبهـا
تراهم يسوقون الكحيلات في النسب..قحص المهار اللي خفـاف هذيبهـا
تجـذب حــرار ٍ مــن معـالـي وكورهـا..حـرار صـقـور ٍ مــن معـالـي رقيبـهـا
كــرام ٍ زعانـيـف ٍ جـــزال ٍ نفوسهم..تـقـضـي لـوازمـهـا وتـأخــذ مصيـبـهـا
وأنا أحذرك من رأي المـره لا تطاوعه..تـرى ظلمـة النسـوان تملـك خطيبهـا
تغويـه عـن درب الشكـالات للردى..وتضـرس تضـرس ولبـة جـوف سيبهـا
وأوصيـك فـي حـرش الوبـر شمّـخ الذرا..كمـا جوخـة ٍ شرّايهـا يكتسيبهـا
الــبــل عــظــام الــمــال يـاجـاهــل ٍ بها..لـكـنـهـا مــاكـــل شـــــي ٍ يـجـيـبـهـا
الــبــل تــبــي رجــــل ٍ قــويــه عـزايـمـه..دايـم عــلــى طـرّافــهــا يشـتـقـبـهـا
يازينـهـا فــي وادي ٍ عـقــب طـاعـة..نـو الـسـمـاء عـقــب الـثـريـا سقيـبـهـا
فـي وادي ٍ طــال الـزهـر فــي جوانبه..وضـلـت دقايقـهـا تكـاسـر لشيبـهـا
سرايـا ليـا راحـت قـرايٍ ليـا امرحت..تمـل الـقـدور الفاضـيـه مــن حليبـهـا

١)
اخوكم الصغير
عاشق الصيد
٢)
ع ــاشق الــسفـر

#القصيدالجزل