شامخة من شوامخ الشامخ سعد بن جدلآن

.,, خارطة الطريق .,,








يا ذا الجلال اللي عروشك فوق واملاكـك حـدر .... ومهمـاً تسامـت بـه عروشـه مستحيـل يطولهـا




يــا حــي يــا قـيّــوم يـــا ذات الأنـافــة والـكـبـر .... مـا نافسـك فـي عظمتـك مكـر العـبـاد وهولـهـا



وما نافسك من عمّر بيوته علـى سطـح القمـر .... واللّـي تـرسـي فــوق اقالـيـم المـيـاه سطولـهـا


ما انتـه بحاجـة مـن عبـد ولا بحاجـة مـن كفـر .... ولا بـحــاجــة ثــابـــت الـدنــيــا ولا مـنـقـولـهــا

أنت السميع لمن حمد وأنت المزيد لمـن شكـر .... واللـي مـا يشكـر نعمـة المنعـم علـيـه تزولـهـا
يــاذا الجـبـروت العظـيـم ويــا القـديـر المقـتـدر .... تفـزع لنـا فــي معـضـلات مــا نـريـس حلولـهـا
تلـعـب بـنـا خــلاّن فرغتـنـا كـمـا لـعـب الـكــور .... أن اقبلت صاحـوا لهـا وأن دبّـرت صاحـوا لهـا
لا هبّنا الطايف بعـض الأحيـان فـي فيـة عصـر .... شـهـب الليـالـي مــن ورانــا يسـحـبـن ذيـولـهـا
أنت السلام اللي لـك الإسـلام وانـت المشمخـر .... اللـي عجايـب قدرتـك فــي المعجبـيـن ذهولـهـا
سلام يا محمد رسول الله راعـي الوجـه الأغـر .... وســلام يــا روح ملائـكـة السـمـا صـلّـوا لـهــا
سـلام يـا بـو بكـر يـا عثمـان يــا عـلـي وعـمـر .... وســلام يــا سـبـع الآفــاق أطلالـهـا وسفولـهـا
وسلام يا شمس الضحى تشرق على بر وبحـر .... وتشـرق علـى كــل الـديـار جبالـهـا وسهولـهـا
سلام يـا صـدق النـوى سـلام يـا وسـع الصـدر .... ســـلام يـــا مـفـتـاح بـيـبـان الـفــرج وقفـولـهـا
وسـلام يـا غـر السحـاب الـلـي تبـجـح بالمـطـر .... وشـم الجـبـال الـلـي تبـجـح بالسـحـاب قذولـهـا
وسـلام يـا هـوج الريـاح اللـي عطاهـا مستمـر .... مهمـا خـذوا منهـا مـن الحسنـات مـا ردوا لهـا
ليـت الرحـاب اللـي لـنـا بوجيهـهـا حــق وقــدر.... مـا تضمحـل مـن الزمـان ولا نشـوف سمولهـا
و ياليتنا لاما سرحنـا اليـوم الأبيـض مـن فجـر .... تبطـي عبـات الليـل مـا تضفـي علـيـه سدولـهـا
ولاّ ليامـنـهـا ضــفــن سـدولـهــا يـطـلــع بــــدر .... يا صل ضيـاه اللـي علـى الكـوره تطـق طبولهـا
المعتبـر يآخـذ علـى الدنـيـا دروس مــن العـبـر .... والـنــاس يكسـبـهـا معامـلـهـا بــقــد عـقـولـهـا
أحيان تصـدف لعبـة الشاطـر مـع غلطـة عمـر .... مـره .. لكـن لا عـدت الغلطـة مـا عــاد ينولـهـا
حنـا عرفنـا كلـنـا مــا طــال مــن شــيء قـصـر .... والأحلام ماتـوا قبلنـا شرهيـن مـا وصلـوا لهـا
حتـى الجمـال اللـي تحمّلهـا الهـقـاوي بالصـبـر .... يالله بحـمـلـتـهـا تــقـــوم وتـــــدّرج بـحـمـولـهـا
والـحـب سيـسـان الـعـبـادة والـعـبـادة بالـجـهـر.... ان مـا قـدرت تقولـهـا وجــه الصحـيـح يقولـهـا
يسـرون عميـان المحبـة تيـه فـي غـدرا الغـدر .... لـلــي تـحــد سيـوفـهـا والـلــي تـعــن خـيـولـهـا
ولا تـفـكـر فـــي غـنــاة ولا تـفـكـر فــــي فــقــر .... وتشفع لبيضان الصـدور احضوضهـا وفعولهـا
واهــل التكـلـف بالمعـرفـة والتصـنـع بالـبـشـر .... والله ما هي حول الصحيح ولا الصحيح بحولها
اللـي يفضّـل مـا يقيـم بـو ميـه مــن بــو عـشـر .... حتـى الفضوليـة عـن الفـاضـل بـطـل مفعلـوهـا
الـلـي تخـبـره لحيـتـه ذا ..طولـهـا يصـبـح بــزر .... واللـي تخبـره بـزر يصـبـح لحيـتـه ذا ..طولـهـا