قصيده عن الطياره

'القصـــيده عــن الطيــاره'

راكب اللي حسها تسمعه من كـل صـوب
مثل زلزال الرعد فـي المـزون المظلـمــه
كنها يـوم استـدارت وضاقـن الــــدروب
فرخ شيهانٍ على الطلع ينهـض مقدمـه
تلها جورج الخواجه وعرضهـا الهبـوب
وأعلنوا بإطفاء الزقايـر وربـط الأحزمـه
إسم كبتنها خواجة ماهـو بلبـاس ثـوب
أخذ من االفوتكا سك ومن الشـي عدمـه
من سلايل شايبٍ ما جمع غيـر الذنـوب
والديانة عكس الإسـلام ماهـي مسلمـه
مايعرف يقول هـذي شمـال وذي جنـوب
الدليلـة بوصلـــة والــحـروف مـتـرجـمـه
واهني اللي علـي رحلتـه يلقـي ركــوب
إن رجـع وألاتوفـى عسـى الله يرحـمـه
إن نوى في مشرق الأرض وألا في الغروب
المهـم ينفـذ الــــلازم الـلـــي يـــلــــزمــــه
فاقدٍ لي شيـخ قـوم غالـي ومــحــســوب
محزمٍ في الضيق يابعـز منهـو مـحـزمـــه
والجفا من بين الأصحاب عيب من العيوب
والصداقـة مـن بنـى بيتهـا مايـهــدمـــه
والغلا والكره ما تسكـن إلا فـي القلـوب
بس مابـه قلـب فيـه الثنيـن مــخـيــمـــه
والرجل لاصار بيـت مـذرى ومحــجـــوب
استوى عنـد النشامـا وجـوده وعــدمـــه
أتحمل مزح الأصحـاب عذبيـن السلـوب
وأتخيـر وآكـل التمـر واطـــش عجــمـــه
وأعرف الكذبة إليا جات من فـم الكـذوب
لاقعـد يرفـع لسانـه ويرخــــي برطــمـــه
والطرب لامن جرفني مع اللحن الطـروب
أنسف البيت المدمدم علـى اللـي دمدمـه
واقفل الجوال عن راعي الغـوج الـهـذوب
وأفصل التعميـم عـن بيجـري واعمـمــه
زلة الطيب مـا تجـرح متينيـن الـجنـــوب
عقب اللـي زلـةٍ مـن صحيبـه تفـحــمـــه
ايه ياضيدان والنـاس حـارب ومحـــروب
والأعـــادي كـل واحـــد بحبـــره وقلـمـه

لـ الشاعر :ســلطـان بـن وسـام الهـاجري

'رد أبن قضعان على قصيده الطياره'

راكب اللي كنها البرق في عرض النصوب
دايــمٍ مـســرى اللــيــالي عـــلـيــه معـلِــمــه
بـكرةٍ كن خف يدها علــى الـزور مغصــوب
لا عقـلهــا اللي عسيفه مــاهـي بـمـخِـزمــه
وان تـسـاوت واسـتعـدت لهاوصـفٍ عجوب
كـنهـا تدي القسم عـنـد قـاضـي المحـكـمـه
وان رفع ركابها الصوت بـاسـلـوبٍ عـــذوب
ازجــلــت مــاكـنـهــا الا هــنـوفٍ مــحـرمــِـه
وكـنها قـشـعٍ تـزبـر عـلـى صـدر الـِـجــذوب
لاخذت في صحيح البـيـد ســـك ودرهــمــه
ما شريناهـا من السوق من جـيز الجلـوب
مـِن سـلايـل جـيِـش جـدي ذلـول مــكـرمـــه
تـنـحـر الـلـي كـــل مـاتبـت عـيِـا لا يـتــوب
صـاحــبٍ اغلــيــه جــدا واعــزه واحِـشـمـه
صـاحـبٍ مــن لابــةٍ مـا يـهـابـون الـحــروب
بنــي هاجر فـخـر الأمجـاد كفــو الملـحـمـه
مثـل مـا تجمـع شبابـه عـتيـبـه والـحـروب
بـيـننــا حـلــف وعــهــود وعــقــود مـبـرمـه
كــان يا سلطان ناسيه واصياحـك طـنـوب
مـرحبـــا بــك وانـتـبـــه والــدروب مـلـغـمـه
والجفامن بين الاصحاب ياالصاحب ماهوب
عـيب لاكــن غٓـيـره العـيـب يااللـي تفـهـمـه
والصداقة كـنز مـاهيـب تسمل سـمـل ثـوب
وللصديق ان صار ما صار مـا ذوق لحمـه
وله علي ان حده الوقت في الشدات انوب
ولـي علـيـه ان كَـــره صـاحــبـه لا يـظـلـمـه
والرجل لا صار بيته حجـر والسـور طـوب
مـا عـلـيـه مــــن المـنــافــــق لـيـا رز عـلـمـه
عادني من دون روحي ليِـا شبـت شبــوب
والا كـــم وكــم دهـانـــي رمــــــوزٍ مـبـهـمـه
وكــم نوانـي مـن لصاحيـب دجـالٍ لـعـوب
يبِـي يأخذ خيرة ابلي وانا اخذت اغـنمـه
ومعرفة بعض الاصاحيب ذنب من الذنوب
علـةٍ مـــن علــتــه أون يــا مـثـــقـــل دمــــه
وعلته ماهي بتنشـاف بالميـكـروســكـــوب
ودك احيانـِاً لـيـا طـــال صـوتـه تـكـتـمـــه
والرجل لا صار شيــخٍ عـزيـزٍ ومـحـســوب
اســتــوت زلات رجــلــــه وزلات اقــــدمـــــه
إيـه يا سلطان والناس غـالـب ومـغِـلـــوب
والأعــادي مـن تحـاكى حثينـا فـي فــمـه

'لـ الشاعر ضيدان أبن قضعان '