الزمـن.. احـداث .. وعلـوم .. وغـرايـب مـلــهــا الـــــراوي .. ودايــــــم مـسـتــجــده

قصة وقصيدة يرويها أحد الاشخاص ويقول :

قبل حوالي ثلاث سنوات وانا في مدينة أبها لفت انتباهي على أحد الأرصفة رجل مسن ( شايب )
إرتسمت على وجهه ملامح الحزن والتعب والألم ... وما زاد الألم ألما دموعه التي كانت تبلل رصيف الشارع البارد
وقفت .. واقتربت منه ...فتوالت أنفاسه المتعبة وعيناه المغرورقة بالدموع جلست إلى جواره وبدون مقدمات ثار يحكي لي قصته .... التي صورتها في قصيدة متواضعه أتمنى أن تنال إعجابكم .... وقد صورت فيها مشهدا ليس حصرا على مدينة معينه او بقعة محددة بل لطالما يتكرر ...ولكن صورت ما رأيت ...
ولكم وافر الحب





الزمـن.. احـداث .. وعلـوم .. وغـرايـب

مـلــهــا الـــــراوي .. ودايــــــم مـسـتــجــده


كم سمعنا في القصص حزن وعجايب

نــاخـــذ الـمـعـقــول .. والـــزايـــف نــــــرده


فــي مديـنـة .. سحـرهـا غـيــم وهـبـايـب

والسـحـاب يـمــوج .. مـــا تـــدري بـحــده


ضمـت احجـار الرصـيـف دمــوع شـايـب

يسـتـحـي تـنـشــاف .. يمـسـحـهـا بــيــده


قـلـت (افــى يالعـلـم) وابـشـر بالطـلايـب

ومـــــن نــخـــى الـــرجـــال والله مـــايـــرده


قــال انــا -يـابـوك- لـدمـوعـي سـبـايـب

والـدمــع لـــو فـــاد .. زدنـــا مـعــه نــــده


الـرجــل لـــو مـــات مـــن كـثــر الـنـوايـب

مــا يـهـل الـدمــع .. حـتــى لـــو لـوحــده


بـس مــوت الـمـوت فــي ظـلـم الحبـايـب

وان جــحــد مـاضــيــك مـحــبــوب تـــــوده


كـنـت انـــا -يـابــوك- فـكــاك النـشـايـب

يـعـتـزي بـــي مـــن لـجـالـي وقـــت شـــده


ارفـــــع الـهــامــه .. واجـدلــهــا ذوايـــــب

ومسـبـتـي فـعـرضـي .. بـعـزمـي اشــــده


فيه (جنبيه ) عسيرية تلهبهـا لاهايـب

كـنـهـا مـــوج الـبـحـر فــــي هــــول مــــده


فـي نشـاط وعـزم كـن فـي كفـي كتايـب

لـــو يواجـهـنـي جـبــل .. عـزمــت هــــده


ولـي عيـال ..اه .. هـم كــل المصـايـب

نـسـيـوا افـضــال الابـــو .. وايــــام كــــده


كـانــوا صـغــار .. لـهــم كـتـفـي ركـايــب

كـــل حـيـلـي لاجـــل اسـعـدهـم .. اهــــده


السمـن .. والبـر .. ونـعـاج ِ حـلايـب

وكــل واحــد .. يـوصـلـه قـسـمـه لـعـنـده


ان بكـى واحـد .. غـدى الخـفـاق ذايــب

وان طــلــب شـــــي .. تــعـــود مـــــا ارده


امـهـم مـاتـت .. وعـنـهـا صـــرت نـايــب

يـومـي اشـقـى بــه .. وليـلـي مــا رقــده


ومــــرت ايــــام عــلــي مــثــل الـنـصـايـب

واحتمـلـت وقـلـت بـكــره .. فـيــه سـعــده


كـبــروا عـيـالـي ولاحـــت لــــي سـحـايــب

انــي اعــوض .. مــن الـلــي قـــد فـقــده


صـــاروا كـبــار .. لـهــم هـيـبـه وهـايــب

كـــل واحـــد مـــا يـشــوف انــســان قــــده


نسيوا افضالـي .. وصـار الحلـم خايـب

حتـى قـول الطـيـب منـهـم .. مــا وجــده


الـعـجــز خــلانـــي ارحـــــل .. والـقــرايــب

كـلـهــم مــاتـــوا .. وزاد الـقــلــب وجـــــده


بـس لـي قـلـب حـلـف .. مـاهـو بتـايـب

عــــن هــــوى ديــــره .. يغـطـيـهـا بــــوده


وللمدينـه جيـت .. فــي صــدري حـرايـب

كــل يــوم يـمـر .. كـنــت سـنـيـن اعـــده


وقــالــوا الــزوجــات .. تـبـلـونـا بـشـايــب

يـمـتـحـنــا كــــــل مـــــــا جــيــنـــا لــقــعـــده


ثــم ودونــي لـــدار للعـجـايـز والـسـوايـب

دار لـمـثـلـي .. مــعــده .. مـسـتـعـده ..


الـثـلاث سنـيـن عــدت .. بـهـم ونكـايـب

مـا بقـى مخـلـوق .. عنـهـم مــا نـشـده


صـرت انـا واليـاس .. اخــوان ونسـايـب

والـنـهـايــة كـلــهــا .. بـالــمــوت وحـــــده


هـذي دمـوع الرصيـف .. دمـوع شـايـب

حـلـمـه المسـكـيـن مـــات الـيــوم وحـــده


#منقول