عمره عشـر واربـع والليالـي مـا تحنـه

طبعا القصيدة حقيقة توقفت عندها عندما كنت اسمع احد الاشرطة ، واعيد واكرر فيها حقيقة مليئة بالمعاني والعبر وشجون كاتبها


طبعا بعدها نصيت قوقل وطلبت البحث عن البيت الاول وطلع لي المعلومات التالية

هذه القصيده للشاعر / خالد بن مدعث الدوسري



وقد اجمع الكثر من كبار الشعراء ان هذه القصيده من اعظم قصائد التوجّد في الشعر النبطي بماتحمله من قوه معنى وقافيه وحدة الكلمات وتأثير العبارات..

فلكم الحكم بعد قرآئتها والتمعن بكلماتها المؤثره


كل ما فاضت عيوني باشـت الأضـلاع غنـا
الموارد فـي الضلـوع وكـل ضلـع فـي ونـه

والتمنـي مـا يحقـق هقـوت القلـب ان تمنـا
بـس قلبـي مـا يدانـي تبعـد الهقـوات مـنـه

وا وجودي وجد من جلي عن ديـاره مجنـا
تو عمره عشـر واربـع والليالـي مـا تحنـه

مـا وراه إلا عجـوزٍ واختـه وعــود مسـنـا
بين فقر وبين دين وبين ضيـم وبيـن منـه

ما ذبحهـم غيـر دمـع مـن الغبينـه مـا يكنـا
ويـل مـن سـود الليالـي بالمصايـب يبتلـنـه

راح مثـل الذيـب وهبلتـه حيـاة الذيـب ظنـا
وآمـن والمـوت يومـه بيـن مخلابـه وسنـه

راح ينقـل دم قلبـه وان ضـواه اللـيـل ونــا
الذيـابـه مـروحـاتـه والـسـيـوف يـدورنــه

ليـا ذكـر دم القـرايـب عـانـق البـيـدا وثـنـا
وان تذكر ضحكة امـه زاغ قلبـه مـن مغنـه

ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه

ان حداه الخـوف منـا هـزت الأشـواق منـا
يـوم طـال الوقـت عـود للديـار اللـي ربـنـه

قــال مـــا دام الـمـذلـه والـبــلاوي يبتـلـنـا
والله ان الموت في الأوطان بين الربع جنه

يوم وقـف فـي المنـازل مـا لقـى بيـت مبنـا
غـيـر بـيـت للهبـايـب والــذواري يلعـبـنـه

راح يمـه كنـه اللـي ضـاربـه رمــح مطـنـا
وعذابـه مـا دري ان اسهـوم بقعـا يحترنـه

يوم قرب سمع لـه صـوت مـن العلـه يحنـا
حصل امه عندها ضيف يقول المـوت سنـه

قـال يمـه قالـت عيونـي مـن الدمـع انعمـنـا
قال ابويه قالت اطـوال النصايـب قـد خذنـه

قال واختي قالت اقفى القوم باختك مع ظعنا
قـال ربعـي قالـت اسنيـن المجـاعـة فرقـنـه

قال جيتـك قالـت ان المـوت مـا ظنـي تونـا
واستلمهـا نـازع الارواح روحـن مرجهنـه

ثم صاح من التفرق صيحـة اللـي فيـه جنـا
دق صدره وانطوى من حر ما به طي شنه

كـل هـذا حـال قـلـب مــن خلـقـه الله معـنـا
الـهـمــوم يـوكـلـنـه والــروابــع يـوكـلـنـه

ليـه ادور للسبـايـب والسـبـب فيـنـا ومـنـا
النفوس وما تسوي واليديـن ومـا حصدنـه

لا توسدنـا الخطايـا نلحـق الشـرهـه زمـنـا
مــا جـزانـا إلا عملـنـا والخـلائـق يثبـتـنـه


على فكرة القصيدة نزلت في شريط القنص 2 ورائعة لا تفوتكم

والقصيدة حقيقة اذا ركزت معها تهزك وشوي الا عسى ما تستنزل من الابيات القوية اللي فيها وقافيتها اللي تهزك هز

المشاركة الاصليه مشعل ابو تركي
وبوسطة سرهيد

تحياتي لكم